Mien boerenbloud
dat staait nait stil,
en mien gemoud
het naarms wil
as - boeten!
Mit stoere stap
kom ik van stee
en sleep mie slap,
mit troage tree
naor boeten!
Het bienhoes holdt
mie nait ien toom:
het is dr kold!
ik stoa op stoom:
noar boeten!
De roemte ropt,
de lucht is lij.
De kracht dei kropt
as deude snei
noar boeten!
Ik huver kaant...
Ik vuil mie staark!
Ik zai mien laand
en wil aan 't waark,
doar - boeten...
Geniet van de lente, het worden mooie, zonnige dagen.
Geen opmerkingen:
Een reactie posten